សៀវភៅណែនាំ Magic Box 3D
បញ្ជីរាយនាមសិស្សជំនាន់ថ្មី ភ្ជាប់ជាមួយបច្ចេកវិទ្យា Cloud និង 3D Animation
🔐 ការចូលប្រើប្រាស់ និង រក្សាទុកទិន្នន័យលើ Cloud
កម្មវិធីនេះត្រូវបានភ្ជាប់ជាមួយប្រព័ន្ធ Firebase Realtime Database ដើម្បីធានាថាទិន្នន័យរបស់អ្នកមិនបាត់បង់៖
- ការចុះឈ្មោះ / ចូលប្រើ (Login/Register): អ្នកអាចបង្កើតគណនីថ្មី ឬចូលប្រើប្រាស់គណនី Google ផ្ទាល់តែម្ដង ដើម្បីរក្សាទុកបញ្ជីឈ្មោះសិស្ស។
- Auto-Sync: រាល់ពេលអ្នកបន្ថែម ឬលុបឈ្មោះសិស្ស ទិន្នន័យនឹងត្រូវបាន Update ទៅកាន់ Cloud ដោយស្វ័យប្រវត្តិ។ ទោះបីអ្នកប្ដូរកុំព្យូទ័រ ក៏នៅតែអាចទាញយកទិន្នន័យមកវិញបាន។
👥 ការរៀបចំបញ្ជីសិស្ស និង មុខងារពិសេស (★)
ចុចលើចំណងជើងធំ "បញ្ជីរាយនាមសិស្ស" នៅទំព័រដើម ដើម្បីបើកផ្ទាំង Admin Panel សម្រាប់គ្រប់គ្រងសិស្ស៖
បន្ថែមសិស្ស និងរូបតុក្កតា
- បញ្ចូលឈ្មោះសិស្សក្នុងប្រអប់ រួចចុច "បន្ថែមទៅបញ្ជី"។
- ចុចលើប៊ូតុង [🎭 បណ្ណាល័យរូបតុក្កតា] ដើម្បីរើសរូបតំណាងសិស្ស ឬអាច Upload រូបថតផ្ទាល់ខ្លួនក៏បាន។
- ប៊ូតុង [លុបទាំងអស់] ប្រើសម្រាប់សម្អាតបញ្ជីឈ្មោះចេញទាំងអស់ក្នុងពេលតែមួយ។
មុខងារ "ផ្កាយ" (Forced Pick)
- នៅក្បែរឈ្មោះសិស្សនីមួយៗ មានប៊ូតុងរូបផ្កាយ (★)។
- បើអ្នកចុចឱ្យផ្កាយភ្លឺ ពណ៌លឿង នោះប្រព័ន្ធនឹង ចាក់សោរ ជ្រើសរើសសិស្សនោះដោយស្វ័យប្រវត្តិ នៅពេលបើកប្រអប់វេទមន្តលើកក្រោយ (លាក់ការកំណត់មិនឱ្យសិស្សដឹង)។
- ស័ក្តិសមបំផុតសម្រាប់រៀបចំទុកមុន ឱ្យសិស្សគោលដៅឡើងឆ្លើយសំណួរ។
🎨 ការកំណត់សោភ័ណភាព និង ពណ៌ (Settings)
កម្មវិធីនេះអនុញ្ញាតឱ្យអ្នកកែច្នៃរូបរាងបានយ៉ាងសំបូរបែប ដោយចុចលើសញ្ញា Menu (≡) នៅជ្រុងស្តាំខាងលើ ឬកំណត់ផ្ទាល់នៅពេលកំពុងបើកប្រអប់វេទមន្ត៖
- ពណ៌ប្រអប់វេទមន្ត (Box Color): នៅពេលចូលដល់ទំព័របើកប្រអប់វេទមន្ត នៅខាងស្តាំដៃមានក្ដារពណ៌។ អ្នកអាចរើសពណ៌ (ខៀវ មាស ក្រហម ស ផ្កាឈូក...) ឬចុចលើសញ្ញា 🎨 ដើម្បីលាយពណ៌ប្រអប់ដោយខ្លួនឯង។
- មុខងារព្រិល (Blur Effect): នៅខាងឆ្វេងដៃ មានរ៉កអូសឡើងចុះ (Blur Slider) ដើម្បីកំណត់ភាពព្រិលនៃផ្ទៃខាងក្រោយ ជួយឱ្យប្រអប់កាន់តែលេចធ្លោ។
- ផ្ទៃខាងក្រោយ (Wallpapers): អាចប្ដូររូបភាពទេសភាព ឬពណ៌ Theme របស់កម្មវិធីទាំងមូលបានតាមចំណូលចិត្ត។
🎁 ដំណើរការប្រអប់វេទមន្ត (Magic Box Action)
របៀបចាប់ឈ្មោះ
- ចុចប៊ូតុង [បើកប្រអប់វេទមន្ដ] នៅទំព័រដើម។
- អ្នកនឹងឃើញប្រអប់ 3D កំពុងវិល។ គ្រាន់តែ យក Mouse ចុចលើប្រអប់, ដំបងវេទមន្តនឹងហោះមកបញ្ចេញថាមពលបើកប្រអប់ អមដោយសំឡេង និងកាំជ្រួចអបអរសាទរ។
- ពេលអ្នកឈ្នះលេចចេញមក អ្នកមានជម្រើស ២៖
១. [ម្ដងទៀត] រក្សាឈ្មោះសិស្សនោះទុកក្នុងប្រអប់ រួចបិទប្រអប់វិញ។
២. [ដកឈ្មោះចេញ] លុបឈ្មោះសិស្សនោះចេញពីការចាប់លើកក្រោយ (រហូតដល់អ្នកត្រឡប់ទៅទំព័រដើមវិញ ទើបឈ្មោះចូលវិញ)។
📊 ការបញ្ចូលទិន្នន័យតាមរយៈឯកសារ Excel
ដើម្បីចំណេញពេលវេលាក្នុងការបញ្ចូលឈ្មោះសិស្សច្រើននាក់ក្នុងពេលតែមួយ លោកគ្រូអ្នកគ្រូអាចប្រើប្រាស់មុខងារ Excel បានយ៉ាងងាយស្រួល៖
- ជំហានទី១៖ នៅក្នុងផ្ទាំងគ្រប់គ្រងសិស្ស សូមចុចប៊ូតុង [📥 ទាញយកគំរូ] ដើម្បីទទួលបាន File Excel ទម្រង់ស្តង់ដារ។
- ជំហានទី២៖ បើក File Excel នោះ រួចវាយបញ្ចូល "ឈ្មោះសិស្ស" និងដាក់ "Link រូបថត" (ប្រសិនបើមាន) ចូលក្នុងតារាងឱ្យបានត្រឹមត្រូវ។
- ជំហានទី៣៖ Save File ទុក រួចចុចប៊ូតុង [📂 បញ្ចូលទីនេះ] ហើយជ្រើសរើស File នោះ ដើម្បីបញ្ចូលទិន្នន័យទាំងអស់ទៅក្នុងកម្មវិធីជាការស្រេច។
☁️ របៀបប្រើប្រាស់លីងរូបថតពី Google Drive
ដើម្បីឱ្យប្រអប់វេទមន្តបង្ហាញរូបថតពិតៗរបស់សិស្ស លោកគ្រូអ្នកគ្រូអាចទាញយករូបពី Google Drive ដោយផ្ទាល់៖
- Upload រូបថត៖ យករូបថតសិស្សទៅដាក់ក្នុង Google Drive របស់អ្នក។
- បើកសិទ្ធិ (Share)៖ ចុចស្ដាំលើរូបភាពនីមួយៗ > យកពាក្យ Share > ត្រង់ General access ដូរពី Restricted ទៅជា "Anyone with the link" (អ្នកណាក៏មានសិទ្ធិមើលបាន)។
- ចម្លងលីង (Copy Link)៖ ចុច Copy link នោះ រួចយកមក Paste បញ្ចូលក្នុងប្រអប់តារាង "URL រូបថតសិស្ស" នៅក្នុង File Excel។
- បញ្ជាក់៖ ប្រព័ន្ធដ៏វៃឆ្លាតរបស់យើងនឹងធ្វើការបំប្លែង Link Google Drive នោះទៅជារូបភាពដោយស្វ័យប្រវត្តិ ១០០%។
🎉 ការណែនាំត្រូវបានបញ្ចប់!
Magic Box មិនត្រឹមតែជាកម្មវិធីបច្ចេកវិទ្យាទេ តែវាគឺជា "សិល្បៈនៃការបង្រៀន" ដែលជួយឱ្យថ្នាក់រៀនមានភាពសកម្ម និងសប្បាយរីករាយ។ សូមរីករាយក្នុងការប្រើប្រាស់!
វិទ្យាស្ថានគរុកោសល្យរាជធានីភ្នំពេញ